客製化禮品及贈品點揀？

「客製化」呢三個字，好多人以為就係貼個標籤、或者用個公司袋裝住。其實客製化禮品可以係公司抬頭名、品牌名稱，甚至係你嘅服務承諾，或者連產品設計本身都度身做。

揀啱客製化禮品及贈品，不外乎三方面。第一係宣傳活動嘅性質（場合）：戶外活動派蒸餾水，啱場合，但嚴格嚟講唔算客製化；如果派太陽帽，就可以透過顏色選擇、品牌標誌同設計元素，做到真正嘅客製化。

第二係禮品對象。對象唔清晰，就做唔到實際宣傳效果，甚至浪費資源——同一個預算，派俾街客同派俾長期客戶，應該係兩件唔同嘅嘢。第三係想達至嘅效果：乜嘢產品都可以客製化，重點係令目標客群將件產品同你嘅品牌、服務連結返埋一齊。

舉個例，訂造一把遮，可以用公司嘅品牌顏色，或者將標誌印喺遮面。如果你嘅標誌係紅色，但想宣傳環保（通常用綠色），就要花啲心思砌構圖，令兩者融合。喺網上隨便訂購再加印標誌，往往會撞板，甚至成批貨出咗嚟先發現效果唔理想——我哋設計同事會出稿俾你預覽效果，銷售同事亦會預先提你可能遇到嘅問題。